Lingashtakam Telugu ( లింగాష్టకం )

బ్రహ్మమురారి సురార్చిత లింగం నిర్మలభాసితశోభిత లింగం ।
జన్మజదుఃఖవినాశక లింగం తత్ ప్రణమామి సదాశివ లింగం ॥ 1 ॥

దేవమునిప్రవరార్చిత లింగం కామదహన కరుణాకర లింగం ।
రావణదర్పవినాశన లింగం తత్ ప్రణమామి సదాశివ లింగం ॥ 2 ॥

సర్వసుగన్ధిసులేపిత లింగం బుద్ధివివర్ధనకారణ లింగం ।
సిద్ధసురాసురవన్దిత లింగం తత్ ప్రణమామి సదాశివ లింగం ॥ 3 ॥

కనకమహామణిభూషిత లింగం ఫనిపతివేష్టిత శోభిత లింగం ।
దక్షసుయజ్ఞ వినాశన లింగం తత్ ప్రణమామి సదాశివ లింగం ॥ 4 ॥

కుంకుమచందనలేపిత లింగం పంకజహారసుశోభిత లింగం ।
సంచితపాపవినాశన లింగం తత్ ప్రణమామి సదాశివ లింగం ॥ 5 ॥

దేవగణార్చిత సేవిత లింగం భావైర్భక్తిభిరేవ చ లింగం ।
దినకరకోటిప్రభాకర లింగం తత్ ప్రణమామి సదాశివ లింగం ॥ 6 ॥

అష్టదలోపరివేష్టిత లింగం సర్వసముద్భవకారణ లింగం ।
అష్టదరిద్రవినాశన లింగం తత్ ప్రణమామి సదాశివ లింగం ॥ 7 ॥

సురగురుసురవరపూజిత లింగం సురవనపుష్ప సదార్చిత లింగం ।
పరమపదం పరమాత్మక లింగం తత్ ప్రణమామి సదాశివ లింగం ॥ 8 ॥

లింగాష్టకమిదం పుణ్యం యః పఠేత్ శివసన్నిధౌ ।
శివలోకమవాప్నోతి శివేన సహ మోదతే ॥