Shiva Shadakshara Stotram In Hindi
!! ॐकारं बिंदुसंयुक्तं नित्यं ध्यायंति योगिनः !
कामदं मोक्षदं चैव ॐकाराय नमो नमः ॥
!! नमंति ऋषयो देवा नमन्त्यप्सरसां गणाः !
नरा नमंति देवेशं नकाराय नमो नमः ॥
!! महादेवं महात्मानं महाध्यानं परायणम् !
महापापहरं देवं मकाराय नमो नमः ॥
!! शिवं शांतं जगन्नाथं लोकानुग्रहकारकम् !
शिवमेकपदं नित्यं शिकाराय नमो नमः ॥
!! वाहनं वृषभो यस्य वासुकिः कंठभूषणम् !
वामे शक्तिधरं देवं वकाराय नमो नमः ॥
!! यत्र यत्र स्थितो देवः सर्वव्यापी महेश्वरः !
यो गुरुः सर्वदेवानां यकाराय नमो नमः ॥
!! षडक्षरमिदं स्तोत्रं यः पठेच्छिवसंनिधौ !
शिवलोकमवाप्नोति शिवेन सह मोदते ॥
- शिवप्रातःस्मरणस्तोत्रम् | Shiv Pratah Smaran Stotram
- शिव पञ्चाक्षर स्तोत्रम् | Shiv Panchakshar Stotra
- शिवमानसपूजा | Shiv Manas Puja
- शम्भु स्तुति | Shambhu Stuti | नमामि शम्भुं पुरुषं पुराणं
