Table Of Contents

Kalabhairava Ashtakam Lyrics ( कालभैरवाष्टकम् )

देवराजसेव्यमानपावनांघ्रिपङ्कजं
व्यालयज्ञसूत्रमिन्दुशेखरं कृपाकरम् ।
नारदादियोगिवृन्दवन्दितं दिगंबरं
काशिकापुराधिनाथकालभैरवं भजे ॥1॥

भानुकोटिभास्वरं भवाब्धितारकं परं
नीलकण्ठमीप्सितार्थदायकं त्रिलोचनम् ।
कालकालमंबुजाक्षमक्षशूलमक्षरं
काशिकापुराधिनाथकालभैरवं भजे ॥2॥

शूलटङ्कपाशदण्डपाणिमादिकारणं
श्यामकायमादिदेवमक्षरं निरामयम् ।
भीमविक्रमं प्रभुं विचित्रताण्डवप्रियं
काशिकापुराधिनाथकालभैरवं भजे ॥3॥

भुक्तिमुक्तिदायकं प्रशस्तचारुविग्रहं
भक्तवत्सलं स्थितं समस्तलोकविग्रहम् ।
विनिक्वणन्मनोज्ञहेमकिङ्किणीलसत्कटिं
काशिकापुराधिनाथकालभैरवं भजे ॥4॥

धर्मसेतुपालकं त्वधर्ममार्गनाशकं
कर्मपाशमोचकं सुशर्मदायकं विभुम् ।
स्वर्णवर्णशेषपाशशोभिताङ्गमण्डलं
काशिकापुराधिनाथकालभैरवं भजे ॥5॥

रत्नपादुकाप्रभाभिरामपादयुग्मकं
नित्यमद्वितीयमिष्टदैवतं निरंजनम् ।
मृत्युदर्पनाशनं करालदंष्ट्रमोक्षणं
काशिकापुराधिनाथकालभैरवं भजे ॥6॥

अट्टहासभिन्नपद्मजाण्डकोशसंततिं
दृष्टिपातनष्टपापजालमुग्रशासनम् ।
अष्टसिद्धिदायकं कपालमालिकाधरं
काशिकापुराधिनाथकालभैरवं भजे ॥7॥

भूतसंघनायकं विशालकीर्तिदायकं
काशिवासलोकपुण्यपापशोधकं विभुम् ।
नीतिमार्गकोविदं पुरातनं जगत्पतिं
काशिकापुराधिनाथकालभैरवं भजे ॥8॥

कालभैरवाष्टकं पठंति ये मनोहरं
ज्ञानमुक्तिसाधनं विचित्रपुण्यवर्धनम् ।
शोकमोहदैन्यलोभकोपतापनाशनं
प्रयान्ति कालभैरवांघ्रिसन्निधिं नरा ध्रुवम् ॥9॥

Kalabhairava Ashtakam Lyrics In English

Devarajasevyamanpavananghripangkajam,
Vyalayagyasutramindushekharam kripakaram.
Naradadiyogivrindavanditam digamabaram,
Kashikapuradhinaathakalabhairavam bhaje. ||1||

Bhanukotibhasvaram bhavabdhitarakam param,
Neelakanthamipshitarkhadayakam trilochanam.
Kalkalamambujakshamakshashoolamaksharam,
Kashikapuradhinaathakalabhairavam bhaje. ||2||

Shoolatankapashdandapanimadikaranam,
Shyamakayamadidevamaksharam niramayam.
Bhimavikramam prabhum vichitratandavapriyam,
Kashikapuradhinaathakalabhairavam bhaje. ||3||

Bhuktimuktidayakam prashastacharuvigraham,
Bhaktavatsalam sthitam samastalokavigraham.
Vinikvananmanojnyahemakinginilasatkatim,
Kashikapuradhinaathakalabhairavam bhaje. ||4||

Dharmasetupalakam tvadharmamarganashakam,
Karmapashamochakam susharmadayakam vibhum.
Swarnavarnasheshaapashashobhitaangamandalam,
Kashikapuradhinaathakalabhairavam bhaje. ||5||

Ratnapadukaprabhabhiramapadayugmakam,
Nityamadvitiiyamishtadevatam niranjanam.
Mrityudarpnashanam karaladamstramokshanam,
Kashikapuradhinaathakalabhairavam bhaje. ||6||

Atthahasbinnapadmajandakoshsantatim,
Drishtipatanashtapapajalamugrashasanam.
Ashtasiddhidayakam kapalamalikadharanam,
Kashikapuradhinaathakalabhairavam bhaje. ||7||

Bhootsanghanayakam vishaalakeertidayakam,
Kashivaasalokapunyapapashodhakam vibhum.
Neetimargakovidam puratanam jagatpatim,
Kashikapuradhinaathakalabhairavam bhaje. ||8||

Kalabhairavashtakam pathanti ye manoharam,
Gyanamuktisadhanam vichitrapunyavardhanam.
Shokamohadainyalobhakopatapnashanam,
Prayanti kalabhairavanghrisannidhim nara dhruvam. ||9||